Müsafir səfərə gedərkən şəri məsafə gedəcəyi şəhərin yaxud kəndin girişinədək hesablanır? Yoxsa həmin şəhərdə yaxud kənddə gedəcəyi ünvan əsas götürülür?

Cavab 1: Əgər çıxdığı şəhərin qurtaracağından gedəcəyi yerin başlanğıcına qədər olan məsafə - belə ki, əgər gedəcəyi yer şəhərin özü olsa, məsafə şəhərin özünə qədər hesablanmalı və əgər gedəcəyi yer şəhərin müəyyən bir bölgəsi olsa, məsafə həmin bölgəyə qədər hesablanmalıdır - şəri məsafə qədər olsa, orada namaz qəsrdir və oruc da səhih deyildir.

Ayətullahul-uzma Seyid Əli Xameneyinin dəftərxanası

Cavab 2: Əgər sizin şəhərinizin və səfər edəcəyiniz şəhərin divarları varsa, şəri məsafəni öz şəhərinizin divarından gedəcəyiniz şəhərin divarlarına kimi hesablamalısınız. Əgər şəhərlər divarlarla əhatə edilməyibsə, şəri məsafəni öz şəhərinizin son evindən səfər edəcəyiniz şəhərin yaxud kəndin ilk evinə qədər hesablamalısınız.

Ayətullahul-uzma Şeyx Vəhid Xorasaninin dəftərxanası

Cavab 3: Səfər edəcəyi şəhərin yaxud kəndin girişinə kimi məsafə əsas götürülməlidir.

Ayətullahul-uzma Şeyx Məkarim Şirazinin dəftərxanası

Cavab 4: Müsafir insan üçün şəri məsafənin sonu onun həmin şəhər, yaxud kənddə son duracağıdır. Məsələn, vətəni Məşhəd şəhərinin 15 km-liyində yerləşən şəxs Məşhəd şəhərindəki müəyyən bir yerə, məsələn, onun vətənindən 25 km məsafədə yerləşən İmam Rizanın (ə) müqəddəs məqbərəsinə gedib qayıtmaq istəyərsə, bu səfərdə namazını müxtəsər qılmalıdır.

Ayətullahul-uzma Seyid Əli Sistani, "Geniş izahlı şəriət məsələləri",məs.1551

 

30 İyul, 2016  18:14 Baxılıb: 1483 Çap

Bu bölmədə