Cavab 1: Müsafir Məkkə və Mədinə şəhərlərinin hər yerində və Kufə məscidində namazlarını tam və ya qəsr qılmaqda ixtiyar sahibidir. Lakin ehtiyata əsasən, bu hökm Kərbəlada yalnız hair bölgəsinə aid olunur.
Ayətullahul-uzma Seyid Əli Xameneyinin dəftərxanası
Cavab 2: Müsafir qədim Məkkə şəhərində, – Əqəbeyi Mədəniyyindən Zi-Tuvaya qədərdir – Həzrəti Rəsulun (səlləllahu əleyhi və alih) zamanındakı Mədinə şəhərində, Kufə şəhərində və Həzrəti Seyyidüş-şühəda (əleyhissalam)-ın hərəmində namazı tamam və ya qəsr qılmaqda ixtiyarlıdır. Tamam qılmaq əfzəldir, baxmayaraq ki, Məscidül-həram və Peyğəmbər (səlləllahu əleyhi və alih) məscidinin çölündə, hətta bu iki məscidə imamların (əleyhimussalam) zamanından sonra birləşdərilən yerlərində, Kufə məscidinin çölü və müqəddəs zərihin ətrafında namazı tamam qılmamaq əhvətdir.
Ayətullahul-uzma Şeyx Vəhid Xorasani, "Tovzihul-məsail",məs.1364
Cavab 3: Məkkədə, Mədinədə, Nəcəfdə (yaxud Kufədə) və Kərbəlada 10 gün qalmaq niyyətində olmayan müsafir sair şəhərlərdə olduğu kimi dörd rükətli vacib namazlarını qısa qılmalıdır.
Ayətullahul-uzma Seyid Şübeyri Zəncani, "Tovzihul-məsail",məs.1365
Cavab 4: Müsafir dörd yerdə namazını tam və ya yarı qılmaqda azaddır: “Məscidül-Həram”, “Məscün-Nəbi”, “Kufə” məscidi, İmam Hüseyn (ə)-ın hərəmi. Bu dörd yerdə namazı tam qılmaq fəzilətlidir. Məscidin Peyğəmbər (s) dövründəki əhatəsi ilə bu günkü əhatəsi arasında fərq yoxdur. Peyğəmbər (s) məscidi, Kufə məscidi və İmam Hüseynin (ə) hərəmi də bu hökmdədir.
Ayətullahul-uzma Şeyx Məkarim Şirazi, "Şəriət hökmlərinin izahı",məs.1182
Cavab 5: Müsafir Məkkə, Mədinə, Kufə şəhərlərinin hər yerində eləcə də Həzrət Seyyidüş-şühədanın (ələyhissəlam) hərəmində qəbri-müqəddəsin 11,5 metr məsafəsinə qədər namazını tamam qıla bilər.
Ayətullahul-uzma Seyid Əli Sistani, "İzahlı şəriət hökmləri",məs.1341
